Статусот на студент, а со тоа и член на академската заедница, се стекнува со запишување на прв, втор и трет циклус студии на универзитет, односно на самостојната висока стручна школа. Статусот на студент се докажува со студентска легитимација. На студентот му престанува статусот на студент во високообразовната установа според условите и постапката утврдени со статутот на високообразовната установа.

Статусот престанува ако студентот:

- дипломира,

- не ги заврши студиите во рокот утврден со закон, статутот или правилата за студирање на високообразовната установа,

- се испише,

- е исклучен и

- во други случаи утврдени со правилата за студи- рање на универзитетот и на единицата на универзитетот, односно со статутот на самостојната висока стручна школа.

Статусот може да биде обновен според постапката утврдена со статутот на ви- сокообразовната установа, освен ако статусот не престанал со трајно исклучување. Трошоците за обновување на статусот ги поднесува студентот, а истите се определуваат со општ акт на универзитетот,односно самостојната високообразовна установа.